Pdiang ka Dorbar Chnong Cham Cham ya kiwa wan baam Picnic ha Sahksaw, ha 5-I Homestay & Picnic Area wa Kchaaid Rynji

Neiliang ka Dorbar Chnong Cham Cham da pyntip ko cha phi ki paidbah waroh hapoh ka Ri-loom Khasi wa Jaiñtia hawa yatoh wa kani ka por lehkmen sñiawbha snem thymme wei e khublei snem warim (31-12-23 wa 01-01-24), hajrong ini, ka Dorbar Chnong Cham Cham pdiang sñiawbha ko ya kiwa wan uiñke suwari kiwa wan baam doh (Picnic) cha ki thaw lai ke kiwa ka em ha kani ka chnong kawa tip phi kam ka Sahksaw waka Kchaaid Rynji kiwa man ki thaw kiwa yoosuk kiwa khriñ bha ya kiwa uiñke suwari katni hapoh ka jylla Meghalaya kawa em chiboon ki jait yalehke nadooh i chong lieñ, ki thaw chondur kiwa boonjait kiwa da pynhun ya kiwa wan ke cha kini ki thaw.

Kamwa pyntip chooh chooh cha phi da em leh kawi ka Homestay kawa da dep wai ha ka 02-12-23 kawa tip kam ka 5-I Homestay & Picnic Area kawa em ha khap ka Sahksaw wa ha khap ka Kchaaid Rynji kawa jngai du 100 Meter na surok Lumshyrmit, wei ha kani ka Homestay ye phi u wan sah miet ha i dor Rs. 2000 chi miet kawi ka yung kiwa dang dep chna dei khyndaw-bilat kawa da em 3 tylli, katwa ha ki yung wa da chna da ki chken ki siej won ha i dor Rs. 1000 chi miet wei ye phi leh u wan baam Picnic ha kini ki thaw kiwa man ki thaw kiwa khooid kiwa yoosuk kiwa em i thaw kyndeh ke ki khynnah ha i dor Rs. 200 chi kynhun kiwa biang ki umchet doh, umdih, ki dieñ thang diñ yow pynemkaam phi.

Yow tip bniah ye phi u Phone ha kini ki Number- 7629905978/9863147306 neibynta kani ka Homestay.

Kamtæ da kyrpaad ya phi wym hoi u pynjakhlia phi ya ki thaw wa da dep phi u pynemkaam deiwa sñiawbha phi u noh yei jhep hapoh ki thaw noh jhep kiwa da booh khnang neibynta yong phi, wow sñiawbha phi leh u ya krehlang chirup wa ki aiñ ka Dorbar Chnong.

Related posts

Lada pynman bia, khawai, yalang paidbah: Ka BeNing Jaintia Tent House kawa ye u pynbiang ya waroh iwa emkaam

November 5, 2024

Da wai ya ka Restaurant wa leh Home Delivery ha kylleiñ ka thaaiñ Phramer Thadmuthlong

October 28, 2024

Da kyntu ya phi wym toh u pynmih ya kiwon kiwon ki kulmar hawa wan phi cha kani ka thaw wei wym toh u pynthut phi ya kiwi tawon, heijooh i por kamwa pynkynmoo ya phi ki lok ki jor wa i por wai toh nadooh 8:00 waje i step hadooh 7:00 waje i miet.

Kamtæ da booh leh ya i kyrpaad ya phi ki lok ki jor wow man phi kiwa ya krehlang chirup waka Dorbar Chnong Cham Cham deiwa bood ryntih ya ki kyndon ki aiñ ka Dorbar Chnong.

Neiliang ka Dorbar Chnong Cham Cham da chim ko kani ka laad wow e khublei snem thymme wa suk wa kmen ya phi waroh heiwa u snem thymme u wanrah u ha phi i chait i tram, i mankhih mankhan, i ya maya saya, i yatylli wa i suk i saaiñ ya waroh liang.

Ka Wyrta na u General Secretary Chnong Cham Cham.