Pdiang ka GHADC ya ka Garo Customary Bill 2009 wow yada ya ka jaitbru Garo

Tura: Ka GHADC ynnin ka sngi da pdiang wow pynman aiñ noh ko ya ka dustur riti hei thoh i taar (Codify) deiwa mynjur ya ka aiñ Garo Customary Law Bill 2009 kawa da booh ha khmat ka Council heiwa 18 na ki 29 ngut ki MDC da mynjur ki ya kani ka aiñ.

Lyngba kani ka aiñ daw ye u ong uyi oo u namo ka kur wa ye u man jaitbru Garo.

Ki phang wa emkaam kani ka aiñ toh kamni ha wah:

Waroh ki khon wa kha hadieñ wa pyndep yei bia katkam ka aiñ heiwa ka bei wa u pa man ki ki Garo, A’chik wa ki Mande u yoh ki yei hok u kam wa ki toh ki Garo, A’chik, ki Mande, Ma’cxhong-Ma’bipek’s Catchi katkam kani ka aiñ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ki khon wa kha da ka bei ka wymtoh ka Garo katwa u pa won u Garo ym ye ki u kam wa ki toh ki Garo namo ki A’chik hanlada chim ki yei kur yong u pa.

Ki khon wa kha na ka bei Garo katwa u pa won ym toh u Garo ym ye ki u man Garo hanlada pynemkaam ki yei kur ka bei.

Ki khon wa kha na ka bei Garo wa na u pa Garo tangwa lada ki khon pynemkaam ki da ki kur yong u pa ya kitæ ym ye ki u kam wa ki toh ki Garo namo ki A’chik.