Pdiang ka HSPDP ya ka rai u Ardent Basaiawmoit wow ieh yei kaam President yong ka Party

Shillong: Ka Central Executive Committee (CEC) yong ka HSPDP ynne ka sngi da pdiang ko yei iehnoh kaam u Ardent M Basaiawmoit kam u President ka Party.

Hawa yaklam wa kiwa pathai khubor hadien wa kut ka yalang ka CEC, u Vice President ka Party HSPDP, u KP Pangniang da pyntip u wa hadien i yatai wa sani bha, neiliang ka Party da chim ko ya ka rai wow pdiang yei iehnoh kaam u Ardent wei da thung ya u Pangniang kam u Adhoc President wow yahkhmat chipor ya ka Party hadooh wow khut ya ka General Council wow jied ya u President wa pura.

U Pangniang da pyntip u leh wa ka CEC da yaklam ko yei sñiaw yong u Ardent wa lai kyrchaan ki arngut ki MLA ka HSPDP ya ka sorkar Meghalaya Democratic Alliance (MDA) wa yahkhmat ka NPP wa kyrchaan lang leh ka BJP, wei da pyntip u leh wa neiliang ka CEC ymye ko u khang ya ki MLA yong ka wow em ki ha ka, wei da pynrap won u deiwa ong wa ymtoh u kyrriah ki na ki thong yong ka Party kiwa da em ha ka mat krehkaam Election (Manifesto).

Heijooh i por u heh ka HSPDP da pynsñiaw u yei budnood ya u President warim wei da yaroh u leh yei man u kam uwa yahkhmat deiwa klam chaphang i krehchitom wow kyntu ya ka Party khamtam ha i por Election hanlada ka Party ym ye ko u poi cha ka thong.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025