Pdiang ka MoD wow e T. 3,300 klur ya ka Indian Army wow thied tiar yaleh thma

New Delhi: Ka Ministry of Defence (MoD) ynnin ka sngi da pdiang ko wow e ya ka poisa wa T. 3,300 klur ya ka Indian Army wow thied tiar yaleh ko ya kiwa da chna pyn hapoh ka ri kiwa kynthup ya ki Anti-Tank Guided Missile. 

Ka Defence Acquisition Council, kawa da chongknor da u montri yada ri, u Rajnath Singh, da pdiang ko ya ya ki Project wa kynthup wow chna ya ki Third Generation Anti-Tank Guided Missiles (ATGM), ki Auxiliary Power Units (APUs) neibynta ki Tank T-72 wa T-90 Tank wa ki Electronic Warfare (EW) System neibynta wow pynemkaam ha ki thaaiñ loom heipor thma.

Ya kini ki EW System daw chna wei pynwandur da ka Defence Research and Development Organisation (DRDO) deiwa yakrehlang wa kiwi ki karkhana. 

Ki naamdiñ Third-Generation ATGM daw man ki kam ki “Fire and Forget” namo wow mylliñ mar dep siat neibhah wa da tikna wow tne ki ha ki kor wa da mang wei daw man ki kiwa pynemkaam ya ka stat ka juk wa katni wei ye leh u siat ya ki hei miet. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka MoD da ong ko wa da tyrwa ko ya ki karkhana ki bru samen wow chna wei wow pynwandur ya ki tiar thma hapoh yong ka thong krehkaam ka ri wa tip kam ka “Make in India”. 

Ha uni u bnai wa dadep ka Council da pdiang ko wow pyllait T. 2,000 klur wow thied bom wa da chna pyn hapoh ka ri neibynta ki T-72 wa T-90 Tank yong ka Indian Army.