Ka seiñ MPUF Shangpung Unit da ong ko wa ha ka 26 tarik uni u bnai da yoh ko ya ka chithi paan maap u L.D. Suiam uwa na Shangpung Mission, West Jaiñtia Hills hadien wa ka seiñ da epor ko ar sngi ya oo wow paan maap hajrong i thoh (Comment) u ha Facebook iwa kam ka seiñ wa man pyrchah ya ka wa ki dkhot heiwa u Suiam da maham siat u ya ki.
Ka seiñ da ong ko wa ya kani ka chithi paan maap da yoh hadien wa da kut i e por ka seiñ ya oo wei da booh ujor ko pyrchah ya oo ha Raliang Outpost.
Hadien kani ka ujor, neiliang u sahep wa pait ya kani ka Outpost da phah wan u ya u Suiam wow yaklam heiwa da pynche u wa ini i thoh ha Facebook ym mut i wa da mang ya ka seiñ wa ki dkhot yong ka wei da phah noh u da ka chithi cha ka seiñ.
U Suiam ha ka chithi yong oo da ong u wa hei thoh Comment yong oo ym em mut wa da thoh neibynta ka seiñ wei ym em u iyi iyi i yumut wa sih pyrchah ya ka seiñ tangwa lada sñiawthooh won ki wa ini i Comment toh neibynta yong ki wei da pynsier mynsien ko yei im yong ki, kamtæ paan maap u naka seiñ waroh.
Ka seiñ da ong ko wa da pdiang ko ya kani ka chithi wei da pyndam noh ko ya kani ka ujor wa da e ha ki pulit.
