Pdiang ka MSSASA ya ka rai pynku tulop ka sorkar ya kiwa sikai SSA

Jowai : Ka Meghalaya SSA Schools Association (MSSASA) Central Body da rai ko wow pdiang ya ka hukum wa pynmih da u D. P. Wahlang uwa man kam u State Mission Director SEMAM (SSA) kamjooh leh u Secretary ka tnat puræ puthi ka jylla uwa pait yei pynku tulop ya kiwa sikai SSA hapoh ka Jylla.

Ya kani ka rai da chim ha ka Central Executive Committee (CEC) kawa da chong ynne ka 9 tarik ha Shillong.

Katkam ka hukum wa pynmih da ka sorkar jylla lyngba u State Mission Director ha ka 31 Naichiphaw wa ya tulop kiwa sikai SSA kiwa da pyndep ya ka kyrdan puræ kam wada booh ha ka RTE Act 2009 wa ya ki kyndon ka NCTE yong ki Class XII kiwa yoh 45 % ha ka class XII kamjooh leh kiwa da pyndep ya ka D. El. Ed u ku noh ko na ka T. 9, 200 cha ka T. 19, 044 neibynta kiwa sikai Lower Primary.

Ya ki wa sikai Upper Primary u ku ko naka  T. 9,900 cha ka T. 20, 493 chi bnai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya kiwa ym pu pyndep ya ki kyrdan puræ wa kdaw da ka sorkar u ku na ka T. 9,200 cha ka T. 13, 335 ya kiwa sikai Lower Primary katwa ya kiwa sikai ha ka Upper Primary u ku ko naka T. 9, 900 cha ka T. 14, 392.

U Aristotle C. Rymbai President ka MSSASA – Central Body da ong u waka seiñ da chim ko ka rai wow pdiang ya i rai ka sorkar hadien wa da hun ki ya kani ka rai wa da dep bichaar bniah da ka Human Resource Development wa ka Project Approval Board.

Wei da pynsakhiat yeini waroh lyngba ki kyndon ka aiñ RTE yow pynku tulop ya kiwa sikai wa kynthup ya ka DA wa 107 %.