Jowai: Ki paidbah ka chnong Thawat ka West Jaiñtia Hills District da pdiang ki wow chna ya ka IB Cum Residential Complex ha ka yalang pynsñiaw paidbah wa pynman ynne ka sngi da ka Meghalaya Institute of Governance (MIG) kawa da yah khmat da u Officer on Special Duty (OSD) u Ivan Swer wa pynman ynne ka sngi ha Community Hall ka chnong Pdengshakhap, WJH.
Ha kani ka sngi da emlang leh ki tre thaw kiwa chong chnong wa u Waheh Chnong u Ailang Surong.
Ha kani ka pynsñiawthooh paidbah na i liang ki 10 ngut ki tre thaw waki paidbah da pdiang khlem ki iwon iwon i pyrchah wow chna ya kani ka IB deiwa rah kti ki wow pynyoo yei mynjur yong ki.
U Ivan Swer, hadien wa yoh ya ka mynjur na ki paidbah da ong u wa ka MIG daw lai e kti noh ko ya ka Bui (Report) cha ka sorkar yow pyllait noh ko ya bai thaw cha ki 10 ngut ki tre thaw wa da chim ka sorkar.
Da ong u leh waka sorkar daw pynsmat ko leh u pyllait ya ka poisa hei yatoh wa ini.
Discussion about this post