Neiliang ka Dorbar Shnong Cham Cham da pyntip ko cha phi ki paidbah waroh hapoh ka Ri-loom Khasi wa Jaiñtia hawa yatoh wa kani ka por lehkmen sñiawbha snem thymme wei e khublei snem warim, hajrong ini, ka Dorbar Chnong Cham Cham pdiang sñiawbha ko ya kiwa wan uiñke suwari kiwa wan baam doh (Picnic) cha ki thaw lai ke kiwa ka em ha kani ka chnong kawa tip phi kam ka Sahksaw Fish Sanctuary, Thwai Marang Beach wa ka kchaaid Rynji kiwa man ki thaw kiwa yoosuk kiwa khriñ bha ya kiwa uiñke suwari katni hapoh ka jylla Meghalaya kawa em chiboon ki jait yalehke nadooh i chong lieñ, ki thaw chondur kiwa boonjait kiwa da pynhun ya kiwa wan ke cha kini ki thaw.
Da pyntip cha waroh kiwa wan baamdoh kiwa wan ke wow man phi kiwa yada deiwa bood ya ki kyndon ki aiñ yada ka sorkar nei poor u khñiang COVID-19 khamtam u Omicron.
Kamtæ da kyrpaad ya phi wym hoi u pynjakhlia phi ya ki thaw wada dep phi u pynemkaam deiwa sñiawbha phi u noh yei jhep hapoh ki thaw noh jhep kiwa da booh khnang neibynta yong phi, wow sñiawbha u ya krehlang chirup wa ki aiñ ka Dorbar Chnong.
Da kyntu ya phi wym toh u pynmih ya kiwon kiwon ki kulmar hawa wan phi cha kani ka thaw wei wym toh u pynthut phi ya kiwi tawan, heijooh i por kamwa pynkynmoo ya phi ki lok ki jor, i por wai toh nadooh 8:00 waje i step hadooh 7:00 waje i miet.
Kamtæ da booh leh ya i kyrpaad ya phi ki lok ki jor wow man phi kiwa yakrehlang chirup wa ka Dorbar Chnong Cham Cham deiwa bood ryntih ya ki kyndon ki aiñ ka Dorbar Chnong.
Neiliang ka Dorbar Chnong Cham Cham da chim ko kani ka laad wow e khublei snem thymme wa suk wa kmen ya phi waroh heiwa u snem thymme u wanrah u ha phi i chait i tram, i mankhih mankhan, i ya maya yatylli wa i suk i saaiñ ya waroh.
Ka Wyrta na u Waheh Chnong Cham Cham.
