Neiliang yong ka Dorbar Chnong Ialong da ong wa katkam wa da chah daka sorkar wow wai noh ya ki thaw uiñke suwari, kamtæ da pyntip cha phi ki paidbah waroh hapoh ka Ri-loom Khasi Jaiñtia hawa yatoh wa kani ka por lehkmen sñiawbha snem thymme wei e khublei snem warim, ka Dorbar Chnong Ialong ka pdiang sñiawbha ko yei wanke yong phi cha ki thaw laike kiwa em ha Ialong.
Ini kynthup ya ya kiwa wan baamdoh haka 01-01-2021 wei yow yada nei poor u khñiang COVID-19, da chah wow wan du 20 ngut donhi kawi ka kynhun, da khang pyrchah wow wan phi da ki kynhun lane deiwa yawan paidbah wei da khang leh wow thang bomkala.
Kamtæ da kyrpaad ya phi wow sñiawbha phi wym hoi u pynjakhlia ya ki thaw wa dep phi u pynemkaam, deiwa sñiawbha phi u pynkhooid ya itu i thaw wada dep pynemkaam phi.
Da khang leh wow wanrah ya ki tiar tem sur kiwa heh wa ood kam ki P.A. System wa kiwi kiwi kamjooh wow chaad paidbah.
Da kyntu ya phi wym toh u pynmih ya kiwon kiwon ki kulmar hawa wan phi cha kani ka thaw wei wow pynthut ya kiwi tawan, heijooh i por kamwa pynkynmoo ya phi ki lok ki jor ya i por wai man ko nadooh 6 waje i step hadooh 8 waje i miet.
Kamtæ da booh yei kyrpaad ya phi ki lok ki jor wow man phi kiwa yakrehlang waka Dorbar Chnong Ialong.
Neiliang yong ka Dorbar Chnong Ialong da chim ko ya kani ka laad wow e khublei snem thymme wasuk wa kmen ya phi waroh kiwa yoo ya ini i pyntip.
Ka Wyrta na u Waheh Chnong ka Ialong.
