Jowai: Ka Meghalaya People United Front (MPUF), ynnin ka sngi da pynman ki yaka yalang wow pdiang sñiawbha ya ki soo ngut ki dkhot kiwa da chah kem nadooh 24 tarik u Khonchonglad (Nov) wei da lait jamin noh ki haka 02-12-19, da pdiang burom ya ki da kiwa yahkhmat ka seiñ kiwa kynthup ya u Dapoiwanmi Laloo, President, u Kyrshan Blah, President Khliehriat Circle hei ya emlang kiwi de ki heh wa ki dkhot yong ka seiñ.
Neiliang ka seiñ da pynrem joor ko hajrong i chah kem ki soo ngut ki dkhot ka seiñ iwa khlem iwon iwon i yurim namo wa leh ki ya ki kaam pyrchah aiñ.
U Laloo da ong u wa kam kiwa yahkhmat seiñ toh u em ki kawi ka kjat ha ki pulit wa kawi won cha ka yoh yaroh na ki paidbah lym kamtæ ym man ki kam kiwa yahkhmat seiñbhalang.
Ka MPUF da pynche ko leh yei mih khubor wa chah pynngat u President rangbah u Dapoiwanmi Laloo wa u President ka Khliehriat Circle u Kyrshan Blah ha ki kyndon challan tooh yaki masi cha Bangladesh deiwa ong wa ini toh iwa jia da slem, kawa u SP kwah u du wow pynbood naam ya ki neidaw wa ka Case leh toh kawa ym em yurim neibhah ha itu i por kiwa yahkhmat ka seiñ ki lai klam ki ya kitu kiwa kit masi wei da dep e Statement ki dkhot ka seiñ ha ki pulit ka Ladrymbai Police kawa pynche wei kawa da soi leh da ki dkhot ka seiñ.
Chooh chooh da pynche hawa yatoh wa ka khubor wa da pynmih daka FKJGP Jaintia Hills wa ka HYC Jaintia Hills, ka seiñ ym em khut ko ya ki wow embynta lang waka MPUF, wei toh ki hi wa wan wow synran lang ha katu ka sngi wa chah kem ki dkhot ka seiñ. Wei toh na ini i daw wa mih pyrtuid kini ki ar seiñ.
Haka dorkhat wa lai booh cha u Home Minister u James K. Sangma haka 29-11-2019 kini ki ar seiñ ym em mih pyrtuid ki neidaw wa ka seiñ ym sñiaw emkaam ko ya kini ki ar seiñ wei ka seiñ hi daw lai ko chakhmat ha i stat, i chemphang yong ka hi lada toh ha kiwon kiwon ki kaam wa ka seiñ chim ko.
Also Read: Kem ki pulit ya ki ar tylli ki truck wa kit masi wa suba wow challan tooh cha Bangladesh
Discussion about this post