Ka National People’s Party (NPP) 6-Khliehriat Block Executive Committee ynne ka sngi ha ka yalang wa pynman ha Nehlang Compound, Lad Rymbai Dongwah, East Jaiñtia Hills da pdiang sñiawbhah ya ki dkhot warim ka District Mahila Congress ka East Jaiñtia Hills chapoh ka Party NPP.
Kiwa da psiah chapoh ka Party kynthup ya ka President warim, ka Jhanika Siangshai, ka General Secretary, ka Bashaimon Rymbai, ka Treasurer, ka Damanbha Swer wa 48 ngut kiwi ki dkhot.
Ya ka yalang pdiang da pynlai da u Vice President ka Khliehriat Block Committee, u J.R. Pyrtuh (Ex-MDC) deiwa emlang u District President ka NPP East Jaiñtia Hills, u Dr. John Dkhar, u General Secretary ka 6-Khliehriat Block Committee, u Iasyllokki Lyngdoh, u Adviser, u Heibormiki Shylla, u General Secretary ka NPYF Khliehriat Block, u R. Swer wa kiwi de ki dkhot ka Block Committee deilang wa ki dkhot ka NPYF.
U Dr. John hawa e yei klam da pdiang sñiawbha u ya ka Jhanika deilang wa ki bru yong ka chapoh ka NPP deiwa sñiawskem wa daw em boon kiwi ki kynthai wow psiah chapoh ka Party ha kini ki sngi wow wan.
Da ong u leh wa u Nehlang Lyngdoh kam u kyrtong ka Party na 6-Khliehriat da em u ya ka kabu ksiar wow jop ya kani ka Election MLA wow wan tangwa kam ki wakreh ka Party ym toh u kheiñstiñ wei toh u kreh chitom nadooh myntu ka sngi yow pynmankaam ya ini wa angnood.
