Jowai: Kam wow pdiang sñiawbha wei wow pynman yei por kiwa uiñke suwari hapoh ka jylla Meghalaya iwa sahkynmoo, neiliang ki pulit hapoh ka jylla da sdang ki yaka Atithi Devo Bhava (The Guest is God) kawa da pynkrehkaam leh daka Tourism Department ka sorkar India heiwa hapoh ka jylla da pyrnkrehkaam ya ini da ki Tourist Police.
Ini da leh leh yow sñiawchngaiñ kiwa wan uiñke suwari heiwa ki Tourist Police daw yarap ki ya ki ha iwon iwon wa emkaam ki.
Yaki Tourist Police da pynemkaam ya ki leh yaki ha kani ka Cherry Blossom Festival wa dang dep wei ynnin ka sngi ka 24 tarik da pdiang sñiawbha ki ya kiwa uiñke suwari na Thailand kiwa wan da ki kari kam chibynta ka Asian Road Rally kiwa lai ke cha Sohra wei da uiñ ki da ki kari deiwa wan na Malaysia, Thailand, Myanmar wa India.
Ya kini ki nong Thailand da pdiang sñaiwbha ya ki da u leh da u Sub-Divisional Police Officer ha Sohra heipor walai uiñke ki cha ki thaw wa pawnam ka Sohra.
Kini ki Tourist Police toh ki pulit kiwa em chwa katni ymtoh ka chnat wa pynmih thymme.
Discussion about this post