Pdiang u Conrad wa dang sahdien ka Meghalaya, kob u pynku ha ki 5 snem wow wan

U Montri Rangbah ka jylla, u Conrad Kongal Sangma da ong u wa ka sorkar pdiang ko wa ka Meghalaya dang sahdien ko, wei iwa emkaam toh kammon wow pynkylla ya ka jylla.

Da ong u wa ka Meghalaya yachem ko chiboon i eh wei ha ki 5 snem wa da lai ka sorkar da chim ko chiboon ki kaam wow pynkylla dur ya ka jylla hanla ymtoh i kaam wa suk deiwa kob u leh wa ha ki 5 snem wow wan daw em i kylla wow pynku ya ka jylla chaphrang.

Ini i klam u Conrad toh hajrong i pynmih bui (Report) National Multi-Dimensional Poverty Index ka NITI Aayog, kawa pynyoo wa ka jylla Meghalaya kawi na ki jylla wa dooh tam ha ka ri India, kawa tam du ya ka Bihar.

Hawa klam wa kiwa pathai khubor, u Conrad da ong u wa ka jylla da em ko chiboon i eh i khor, wei katni ka sorkar daw pynchong yurim wei bichaar bha ko ya ka yukheiñ wa ka NITI Aayog da pynlang ko, wei deiwa pdiang ya iwa ye wow pynkylla hanla chimpor i leh.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa u wanrah yei kylla emkaam wow sdang nadooh iwa khian tam nadooh ki chnong wei i e yarap cha ki warep toh wa emkaam kamjooh kiwi ki laad yarap ha i yoh i kot. Da ong u leh wa ymtoh iwa suk wow yoh noh ya u soh pyn kattæ, tangwa ka sorkar da chim ko ya ki rai wa emkaam wei da em i kylla ya kiwa daw ye u kyntu kynrong wow pynku ya ka jylla ha i yoh i kot.