Jowai: U President ka Congress, u Rahul Gandhi ynne da pdiang u ya ki pyrtuid ki ar ngut ki kyrtong ka Party wow yakhun na Ranikor wa South Tura Assembly ha ka 23 tarik uni u bnai.
Ka Party u pynyakhun ko ya uwa yahkhmat ka seiñ GSU, u Jacques K Sangma na Ranikor katwa ka Principal warim ka Tura Government Public School, ka Charlotte W Momin na South Tura daw yaleh pyrchah ko ya u montri rangbah ka jylla, u Conrad Sangma.
U kyrtong na Ranikor man u kam u General Gecretary warim ka GSU Khasi Hills Zone wei da psiah u cha ka Congress ha u 2007. U Sangma daw yakhun pyrchah u ya u kyrtong ka NPP u MM Danggo, u kyrtong ka PDF, u PN Syiem wa u kyrtong ka UDP, u Pius Marwein.
Ha South Tura u Momin man u uwa samen wa pyndap pyrtuid wow yakhun na ka Congress na kani ka constituency, kawa jooh man MLA da ka Agatha Sangma.
Ka yathap vote ha kini ki ar tylli ki constituency u man ko ha ka 23 katwa ka ñiaw vote u man ko ha ka 27 tarik uni u bnai.
Discussion about this post