Jowai : Heipor wa dang ka-it ki paidbah u ya chaad u ya thang bomkala yow pdiang yow snem thymme ha i step ka 1 tarik da em i jia wa sniawsih ha kawi ka yung wa em ha Panaliar, Jowai.
Ini da jia i ha yung ka kong Yoowanka Sumer, wa em ha ka kyntoit Chongkdong yong ka Panaliar. Ha kani ka step kamwa 1.30 waje heipor wa dang chongchit i thang bomkala, da pdung ar tylli ki kum gas iwa da kem diñ ha ini i yung trep.
Ya kini ki kum gas da booh ha i trep weiwa hadien wa da kem diñ ki paidbah da yarap ki u tympleh ya ini i diñ.
Ha ini i pdung ki kum da em uwi u bru ya uwa da tip kam u Bahdeng uwa em kamwa 34 snem i rta da takha u malum male.
Neiliang u WYRTA kyntu u ya ki paidbah wow man kiwa husiar heipor wa thang bomkala wei wow khang ya ki kum gas heipor wa ym em u pynemkaam ki ki.
Heijooh i por ki pulit tympleh diñ da lai li takit ki yeini iwa da jia ha ka tai ka sngi.
Discussion about this post