Ynne da em i pdung Bomb wa suba toh da ki Improvised Explosive Device (IED) kiwa da wanrah hapoh u Tiffin Box ha Kalamassery, Kerala heiwa da yap kawi ka bru wei da mynsoo kamwa 45 ngut.
Nyngkong da pdung heipor kamwa 9:40 i step wei da em leh sa kamwa 3 tylli kiwi wa pdung.
Heiyatoh wa ini da em uwi u bru uwa 48 snem i rta uwa tip kam u Dominic Martin uwa da wan pyndem hakhmat ki pulit ka Kodakra Police Station.
Kawa yap toh neidaw wa joor i chah thang hei diñ wei kiwi 5 ngut won da mynsoo joor ki.
Uni uwa wan pyndem man u kam u Jehovah’s Witness tangwa uwa da sdang lai noh da ka yong oo hi ka luti nadooh u 2017 hadien wym sñiaw yahaap de u yei rukom sikai kani ka Balang wei ini wa da leh u toh heipor wa pynman ya ka ngooh Blai hapoh ka Zamra International Convention wa pynman da ki Jehovah’s Witness hi.
Da antaad wa hapoh kani ka Convention Centre da em kamwa 2000 ngut ki bru.
Discussion about this post