Ynne i step synyaaw heipor kamwa 1:30 uwi u Bomb IED da pdung u ha Police Quarter kawa em hajan ka yung krehkaam u SP ka East Jaiñtia Hills, Khliehriat.
Na ini i pdung uni u Bomb da piah i bynta wa cha tre ini i yung wei da piah leh ka slap (Shade) yong kani ka yung wei ki yit ha ki khiandwar talawiar ini i yung leh da piah ki.
Ka yutip wa yoh da ong wa ym em wa mynsoo ha ini i jia.
Hajrong ini daw e yutip chooh kat dang yoh ya ka yutip wa bniah na ki heh pulit ka District.
