U President ka USA u Donald Trump da pynbaad u wa u General ka Iran u Qassem Soleimani toh wa emkti ha ki kaam Terrorist hadooh ha New Delhi.
Hawa klam u ha Mar-a-Lago Resort ha Palm Beach, Florida, u Trump da ong u, “U Soleimani da pynyap u ya ki bru paidbah wei da emkti u ha ki kaam Terrorist hadooh ha New Delhi wa London.”
Da pynsan u yei hukum yong oo wow phah siat naamdiñ (Missile) yow pynyap ya u Solaimani wa ya 7 ngut ki heh chipai ha Baghdad International Airport ynnin ka sngi.
“Ynne da kynmoo warom i ya kiwa da dooh yei mynsien yong ki nei leh u Soleimani wei sñiaw i suk i mynsien deiwa kut noh ki kaam u wow pynyap bru,” da ong u.
U Trump ym em ong u yeiwa jia ha India, wei ye u wow klam chaphang wa jia ha u 2012 hadien wa pdung bom ka kari u kurim uwa mihkhmat yaka Israel cha India.
Ini wa jia ha New Delhi ym pu em wa ye wow ong deiwa tikna wa emkti ka Iran ya iwa jia.
U Trump da pynbaad u leh ya u Soleimani ya iwa jia ki nong US ha Iraq, wa kynthup ya i siat da ki Rocket heiwa da khlaad uwi u nong America wei da mynsoo soo ngut ki chipai yong ka US kamjooh ya iwa jia haka US Embassy ha Baghdad ha kani ka tayaw.
Ka United States da phah ko leh sa kamwa 3,000 ngut cha Middle East hadien wa ki paidabh da thmu ki wow psiah yabor cha ka US Embassy ha Baghdad.
Hadien ini, kiwa boon ki paidbah da pynsñiaw ki wa ye u sdang ka thma bah wa le neibhah hapoh Iran ya u Soleimani toh u man heiwa ar hei embor wei yei u leh wow man kam u President ka Iran.
U President ka Iran u Hassan Rouhani da kular u wow pynhiar tput ya ini wa leh ka America.
Discussion about this post