Ka Khliehriat Assembly Youth Congress Committee kawa man ka chnat krehkaam ki khynroo ka Party Congress, da phah ko ya ka dorkhat cha u Prakash Javadekar uwa man u Montri sorkar pyrdi wa pait ya ka chnat Environment, Forest & Climate Change wow kyrpaad na oo wym toh u e ya ka Environmental Clearance ya waroh ki Coke Factory kiwa em ha East Jainñia Hills District wei wow pyndooh leh wot ya kitu kiwa da yoh chwa.
Ya kani ka dorkhat wa da phah lyngba u Deputy Commissioner ka East Jaiñtia Hills District kawa da ong wa i daw wa pyrchah wow e Environmental Clearance cha kini ki Coke Plant hapoh ka District toh hajrong i ood i naam yong kiwa boon kiwa chong chnong wa marjan wa kini ki Coke Factory wa da pyntngit ki ya ka la-ær wei da booh hei maa ya i chait i khiah wei da pynsih ko leh ya ka rymaw.
Ya kani ka kyrwoh da pynlait da u President ka Khliehriat Assembly Youth Congress Committee u Chrispin N Dkhar.
