Shillong: Hadien wa wan ka æryong ynnin ka sngi ha ka thaaiñ Nongthliew wa Umthlong kiwa haap hapoh ka Mairang Civil Sub-division, West Khasi Hills neiliang ki bor pynlai District da lai phah e yarap ko bran bran cha ki manyung wa chah ktah.
Neiliang ki bor district da pynbiang ki leh ya ka thaw sah wa chipor neibynta kini kiwa chah ktah wei kamjooh ka baam ka dih mar ya tip kyeini iwa jia.
Ki manyung wa chah ktah da em ki palat 30 tylli.
Napyrdi kini ki manyung em kiwa chah khyndang ki tnoom yung, em kiwa chah khyndang nadooh na tre, khamtam ki yung kiwa khian wei da mynsoo leh le ngut ki bru ya kiwa da em hapyrdi i chah sumaar katni.
Neiliang u BDO ka Mairang, u V. Swer da pyntip u wa neiliang ka yung krehkaam yong oo da lai hiar sylli ki ya kini ki yung heiwa da chem yei chah ktah joor ki wei ki paidbah leh da chong syir mynsien ki.
Chooh chooh da pyntip u wa kiwa mynsoo kynthup ki ya u Hasting Kharthangmaw, u Shaniah Mawlong wa u Deris Kharthangmaw.
U BDO da pyntip u leh wa ki bor District da phah e yarap ki leh ynne ka sngi, wa kynthup ki song baam wei na ka yung krehkaam u Deputy Commissioner ka West Khasi Hills da phah T.2 Lak neibynta kini kiwa chah ktah.
Discussion about this post