Ka Dorbar Chnong Chilliangraij, Jowai kamjooh ka chnat krehkaam yong ka VDP ka chnong da phah wan hajir (Summon) ki ya kitu ki bru kiwa emkti wow leh pynsih ha i bynta wa da kær ya ki Moopynyeiñ kiwa da booh kyrpang ha Khliehchnong Viewpoint.
Da ong wa kini ki bru da wan ke ki cha kani ka thaw wei da thang dusmon ya i kær (Fencing) yong ki Moopynyieñ, weiwa ka chnong da em i suba wow tipmit ko ya kini ki bru lyngba i sabut wa da yoh.
Katwa kamtæ yow lait na iwon iwon iwa eh, ka chnong kamjooh ka VDP da hukum ko wa kini ki bru kiwa da leh ya ini i kaam yow wan pyntipmit ki ha Iungwalieh hapoh ka chitayaw nadooh wa pynmih ya kani ka wyrta.
Wei lada jia ym ye ki u wan, ka chnong u lai ko chakhmat katkam ki kyndon yong ka aiñ.
Ka chnong pdiang ko ya waroh kiwa wan ke deiwa em burom cha waroh ki thaw wa yoosuk kiwa em hapoh u pood u ang yong ka chnong tangwa pynkynmoo ko wa emkaam u burom wei u bood ryntih ki ya ki aiñ yong ka chnong khamtam ya i khooid i jngiar.
Ka Wyrta na u Waheh Chnong kamjooh na ka VDP yong ka Chnong Chilliangraij.
