I yatoh lok ka India waka Canada da nang sih i heiwa ynne ka sorkar India da pyrchah joor ko ya u Minister ka Canada uwa da pynbaad ya u Home Minister u Amit Shah deiwa ong wa ini i pynbaad toh iwa khlem yurim.
Heiyatoh wa ini, ka sorkar India da phah hajir ko leh ya u heh ka High Commission ka Canada ha nongbah New Delhi heiyatoh wa ini.
Kam wow pynkynmoo heini, u Deputy Foreign Affairs Minister ka Canada u David Morrison, da pynbaad u wa u Amit Shah da phah u wow pynawri kamjooh wow pyndik ya ki Sikh wa yakhun Khalistan ha Canada.
Da pynmih u leh yei pyrtuid u Amit Shah ha ki dkhot ka National Security Committee ka Parliament ka Canada heiwa u Morrison ym em khana u kammon ka Canada tip ko wa emkti u Amit Shah ha i pyrchah ya ki Sikh.
Neiliang u Spokesperson ka Ministry of External Affairs ka India, u Randhir Jaiswal da ong u wa ini i kam khlem sabut wei khlem em i bahkhlieh daw ktah bha i ya kini ki ar ri.
U Jaiswal da ong u leh wa ka sorkar da phah ko ya ki kyntien pyrchah wa khor cha ka Canada pyrchah ya u Morrison.
Kam wow pynkynmoo heini wa ini wa dep, u Prime Minister ka Canada, u Justin Trudeau da kam u wa ka em ki bru ka sorkar India kiwa emkti wow tynyap ya u heh ki Sikh ha Canada, u Hardeep Singh Nijjar ha u 2023.
Neiliang ka India da pyrchah wei da kyntait ko yeini i kam ka Canada neibhah ym em ki sabut wow pynsakhiat yeini.
Discussion about this post