Jowai : Ka seiñ Jaiñtia Fishing & Environment Protection Association ha ka yalang wa da pynman ynnin ka 29 tarik da pyrkhat leh kammon u leh ya kiwa chondur wei upload dur ha Facebook hapoh ka profile yong uwi u bru uwa tip kam u Ha Oo Lasanki Susngi.
Ha ini i dur da yoh u sakhi wa em ar ngut kiwa chong hajrong u mot wa da chna hei dur ka dakha wei uwi uwa yieñ haphrang.
Neiliang u President ka JFEPA u ma Lamwan Paswet da pyntip u wa ha ka yalang da rai wow phah hajir (Summon) ki ya kini ki le ngut wow yachem ki wa kiwa kitkaam ka seiñ hapoh 10 sngi.
Heijooh i por da ong u wa lada kini ki le ngut ym wan mih ki neiliang ka seiñ u booh ko da ka FIR pyrchah ya ki.
Kani ka dakha wa em ha Syntuksiar man ko kawa da wai paidbah da ka seiñ ha ka 30 Naitung (April) 2016 kam ka dak yow pynman ya kani ka bynta ka wah kam ka Fish Sanctuary.
Ka seiñ da ong ko leh wa ini i leh kini ki bru ye i leh wow pyntakha næ pynsih dur ya kani ka Dakha.
Photo: Facebook
Read Also : Ka Fish Sanctuary wa nyngkong ka chnong Jowai
Discussion about this post