Phah jied ka NPCC ya ki paidbah ka Nagaland ha pyrdi u dieñphna wa u Trishul ha Nagaland

Jowai: Ka Nagaland Pradesh Congress Committee (NPCC) da ong ko wa kani ka Election MLA toh kawa daw pynkylla ya ka kaam synchaar piaidbah hapoh ka jylla wei da pdiang ko ya kiwon kiwon ki seiñ saiñhima ki wym em kreh ha ka luti ka niam.

Da ong ko wa ki paidbah emkaam ki ya ka sorkar ka wym pait chiliang manda poi ha ka niam wei lada lai cha ka luti ka niam daw wanrah ko i eh i khoo wa joor bha hapoh ka jylla Nagaland katni kawa da chitom chwa.

Da ong ko leh wa u leh pyrchah ko yei wan hiar ki bor ka Hindutva hapoh ka jylla wei ha kini ki ar snem tam ka NPCC da kreh chitom ko wow pynsñiawthooh paidbah yei maa wa mih deiwa wan ka la-ær Hindutva hapoh ka jylla Nagaland.

Da sñiawphylla ka NPCC wow yoo wa ki kyrtong ka Nationalist Democratic Progressive Party (NDPP) wa lai chlong ki cha ka BJP deiwa pynbaad wa da pynbiej ka BJP ki da ka poisa.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da pynbaad ki leh wa uwa sdang ya ka NDPP da ieh u ya ka NDPP wow lai chong kurim waka BJP khlem em ki daw wa biang.

Chooh chooh da ong wa sñiawthooh ki yei rukom leh ka BJP ya ki khian paaid tangwa kattæ leh lai bait ki cha ka BJP.

Heiyatoh waka Angami Baptist Church Council (ABCC) ka NPCC da ong ko waka ABCC da kubur ko wa u heh ka NDPP toh uwa wanrah ya ka Hindutva hapoh ka Nagaland wei da yooluti ki wa ka ABCC ym ran dien ko ha ka yurim wa yieñ ko.

Kamtæ ka NPCC da ong ko wa da rai ko wow pynwiar yei psiah ka BJP hapoh ka jylla deiwa kyrchaan ya kiwon kiwon ki kyrtong wa pynyieñ ha ki Constituency wa ka NPCC ym em pynyieñ ko wei da phah jied ko ya ki paidbah hapyrdi u dieñphna namo ka Trishul.