Jowai: Ka Ministry of Human Resource Development (MHRD) da phah chithi ko cha u Principal Secretary Department of School Education & Literacy ka sorkar Meghalaya yow chimkhia ki yei ood kiwa sikai Lower Primary wa Upper Primary hadien waka seiñ Meghalaya SSA School Association (MSSASA) Central Body da booh dorkhat ko ha khmat u Minister of MHRD u Prakash Javadekar ha ka 18 tarik u Khonchonglad u snem 2016.
Ka MHRD da phah ko ya kani ka chithi cha ka 3 tarik uni u bnai deiwa ong wa ka sorkar jylla haap pynbiang ko ya ka jubab wa biang hei yatoh wa ini waroh neibhah ka sorkar bei da booh ko ki kyndon wa che bha wa ka da pynbiang ko ya ka poisa yow pynmih ya kini ki kaam ha waroh ka ri ya kiwa sikai SSA wa RMSA tangwa ha Meghalaya won ka sorkar da leh bakla ko deiwa wa chna ko ya kini ki kreh hapoh ka kyrdan “Contractual Basis” iwa man pyrchah ya ki kyndon ka MHRD.
Ka MHRD da pynbiang ko ya ka poisa wow chna skur kamjooh wow pynbiang ya i wow pynbniah ya ki sap kiwa sikai lyngba ka Diploma in Elementary Education.
Da ong leh wa ka sorkar ym ye ko u pynmih ya ki kaam sikai kiwa phær kyrdan u su tulop wa kiwa sikai hapoh ka jylla wa da thung da ka sorkar jylla.
Kani toh katkam ka khubor wa pyllait da u Aristotle C. Rymbai President ka Meghalaya SSA School Association.
Discussion about this post