Ka Montri wa pait ya ka chnat i chait i khiah ha ka jylla, ka Dr. M. Ampareen Lyngdoh hadien wa da khut ya ka yalang wa ki sahep ka chnat, da ong ko wa ya ki Doctor ymtoh u pynboonkaam ki deiwa phah pynlai ya kiwi ki kaam, neibhah ki Doctor toh wow e ki yei por neibynta wow sumaar ya ki paidbah.
Da ong ko wa lada ki Doctor hap ki wow boonkaam u pynlai ya kiwi ki kaam lada toh iwa phah da ka sorkar pyrdi leh, ym yoh por de ki wow pait ya kiwa kjut wa chitom, wei ini da man ko i dooh nong wa khroo ya kiwa wan phah sumaar.
Heijooh i por da ong ko wa ka chnat daw yaklam ko wa ki chnat chnat wa toh u pait kam ka chnat muna tangka waka chnat thung kaam wow thung noh ya ki bru kiwa ye u pynlai ya kiwi ki kaam khnang wa kitu kiwa da thung kaam daw kreh bait ki yei bhah yong ki.
Ka Dr. Ampareen Lyngdoh da khana ko wa da yaklam ko leh ya kiwi ki kaam yow pynbha ya ki thaw sumaar deiwa pynbiang chwa ya waroh iwa emkaam hachwa wow wai wei wow pynbiang leh kiwa kreh ha ki thaw wym pu biang wei wow pynchna leh ya ki thaw sumaar kiwa em cha palatsor najrong wow kyntu leh ya ka chnat PWD wow chna ya ki sarok kiwa poi cha ki thaw sumaar khamtam kiwa em cha palatsor.
Discussion about this post