Ka BJP Meghalaya da beiñ ko yei klam uwa yahkhmat ka Congress, u Vincent Pala chaphang ka BJP deiwa ong wa ini toh i yahbakla wei da dawa na u Vincent wow e nongmuna u iwi iwa jia wa chah thombor ki yungmane Christan da ka BJP wei lada ym ye u wow pyndam noh yeiwa da ong u.
Ka BJP da kdaw ko ya kiwa boon ki por wa u Prime Minister ka ri, u Narendra Modi da lai psiah u chapoh ki yungmane ki Christan yow leh burom wa kiwi de ki kaam wa kyrchaan ya ki Christian wa da leh da kiwi kiwa yahkhmat ka Party hapoh ka jylla.
Da pynkynmoo leh ya u Vincent Pala ya kiwa boon ki lehkmen Pre-Christmas wa da pynman hei yung wa sah u Prime Minister uwa da yaroh leh ya u Jisu Christ wa ya iwa da sikai u ya kiwa bood ya oo.
Da ong ki leh wa u Prime Minister da ong u wa u Jisu toh uwa kreh yow pdiang ya waroh hapoh ka imlang sahlang kamjooh yow pynyoh yei hok yong waroh wei da kini ki jooh ki yurim da man ko kam wa chbeh luti yow pynroi yaka ri.
“Uwon uwa yahkhmat ka Congress wa da leh kamni uwa da yaroh ya u Jisu kamjooh wow rah wyrta ya iwa da sikai u?” Yeini hap jubab u Pala, da ong ka BJP.
Ka BJP Meghalaya da pynkynmoo ko leh ya waroh wa heipor Christmas, kiwa yahkhmat ka Party wa kynthup ya u A.L. Hek wa kiwi de da pynman ki yei lehkmen neibynta ki khynnah wa dooh wa duk wei wow pynpoor yaka khubor e mynsien cha waroh iwa man bak la bak wa i parom wa da khana u Vincent Pala.
Neiliang uwa e ktien ka BJP Meghalaya, u Mariahom Kharkrang da ong u, “Ka Congress da tip ware ko wa ki laad ko da sdang wiar ki kat dang lai ki sngi neibhah ka BJP toh kawa nang ku chooh chooh. Wei kam kini ki rukom klam toh kiwa thok ya ki paidbah wei i leh kutlaad yow wyrai ki paidbah. Wei ki paidbah da yoo ki ya kini ki rukom leh nadooh nachwa wei daw thap Vote ki cha kitu ki wym em leh chiliang ya kawon kawon ka niam, kamtæ toh u thap Vote ya ki kyrtong ka BJP ha kani ka Election MP.”
Discussion about this post