Ka DC ka East Khasi Hills District da pynmih hukum ko ynne ka sngi wa waroh ki dukan emkaam ki wow booh da ki dak hei dur ki Sign/Poster yei chim tika ki tre dukan, kiwa chong dukan wa ki wakreh kamjooh leh ha waroh ki thaw wa pynman ya ka khayi pateiñ kiwa wan ki bru paidbah man-ka-sngi neibhah wa kini em ki hei maa neidaw wa yachem ki wa kiwa boon ki bru. Da ong leh wa ini daw pynsuk ko ya ki paidbah wow tip ki kammon wow jied.
Kiwa yah kari kamai nadooh ki Local Taxi, ki Auto Rickshaw, ki Maxi Cab wa ki Bus leh toh u pynyoo ki yeiwa da dep ki wow chim tika deiwa biah ya ini ha ka yit kari. Wei ini toh iwa krehkaam mar ya chah wow lai ki kari kamai iwa daw pyntip da ka DC.
Kitu kiwa im-ja da ka khayi pateiñ toh u pyndep smat ki yei chim tika yow yada ki ya idæ kamjooh leh ya kiwa hayung hasem yong ki wa ki paidbah waroh.
Ka DC da pyntip ko leh wa i Test paidbah namo ka Random Testing u pteiñ i ha ki thaw wa boon i wan ki paidbah, wei kitu ki wym bien u chim tika kiwa em dukan wa ha ki kaam khayi pateiñ toh u phah Test ki man ka 10 sngi.
Ki Incident Commander, ki Medical Officer wa ki CCMT toh u leh ki yeiwa emkaam yow pyndooh yei artatien kitu kiwa em hei maa wow chim tika deiwa ya syllok wa ki wei wow pynsñiawthooh ya ki myntoi wa yoh neiwa chim yei tika wei ym toh wow pynslem wow chim ya ini.
