Ka mukotduma PIL heiyatoh wa i yoh u lai laitlooid ki kari wa kit palatpood khlem da chah pynsangeh ha ki Weighbridge da kiwa kreh sorkar, da chong bichaar biang ka ynne da ka Meghalaya High Court da u Chief Justice, u I.P. Mukerji wa u Justice W. Diengdoh.
Ha kani ka PIL da kdaw yeini wa yoh u lai ki kari wa kit palatpood katwa ngait wei kamjooh leh yei sih ki Weighbridge iwa da wanrah yei dooh nong wa joor ya ka sorkar neibhah wym em ka kuna ya kitu leh pyrchah, da dooh leh ya ka dan kam ka Cess wa ka Royalty.
Neiliang ka yung bichaar ha ka 05-12-24 da phah ko ya ki bru sorkar wow lai pynsakhiat ya ini wa da pynbaad da kawa yaleh mukotduma wei da paan leh ya ka Report na u Commissioner ka chnat Transport.
Tangwa ym em lai pynman ya ka Inspection heiwa da em leh i yania hadooh katwon tylli ki Weighbridge wa hap wow leh yeini wei kawa yaleh mukotduma da pyntip ko leh wa ym em yoh ko ya ka Inspection Notice yong ka hukum ka High Court heipor wa biang wei ya ki Inspection wa da leh wei lada leh da leh khlem da khutlang wa ka.
Neiliang u Advocate General da ong u wa ka sorkar bien hi ko wow pynman biang deiwi ya kani ka lai leh Inspection.
Kamtæ da phah wow pynkhreh ya ki Weighbridge wow lai leh Inspection deiwa pyntip leh cha kawa yaleh mukotduma wei lada chem wa dang em ki wym em mih pyrtuid, ye ko wow kdaw yeini wei yow leh katkam wa ong ko.
Ka High Court da phah ko wa manda pynman ya ka Inspection wow neh ar kynta chi thaw wei wow leh yeini heipor wa boon kari bha wei wow murieh chwa wow lai leh yeini.
Da phah leh wow pyndep yeini hadooh ka 30-04-25 katwa ya ka Report wow pyndep ha ka 02-05-25.
Discussion about this post