Ka mukotduma PIL kawa da yaleh heiyatoh wa ki Truck wa kit palatpood hapoh ka jylla, da chong bichaar biang da ka Meghalaya High Court heiwa ka sorkar da jubab ko wa em 23 tylli ki Weighbridge kiwa em hapoh ka jylla wei kiwa krehkaam kamjooh kiwa pynemkaam.
Ka yung bichaar da booddien ko leh yeiwa da phah ya ka sorkar wow pyndait ko ya ki Weigh-Pads ha kini ki thaw thawkhia ya ki Truck heiwa ka sorkar da jubab ko wym pu em pynmih ya ka Supply Order yow thied ya kini ki Weigh-Pads kiwa da toh u leh nadooh u Naiynñiaw uni u snem.
Chooh chooh ka sorkar da khana ko wa da thmu ko wow thied 5 jur kini ki Weigh-Pads wei da yooluti wa daw pyndait noh ya kini ki ar tayaaw wow wan.
Ka yung bichaar da ong ko wa ini waroh toh yow khanglaad ya u mooyong wa da tih pyrchah ya ka aiñ kamjooh u pyndooh leh ya kiwi ki mar pohkhyndaw kam u moo wa da kit palatpood yeiwa ye i bor u sarok u chah, wei ka sorkar toh u pait bha ko khamtam ha kitu ki thaw wa joor kini ki kaam neibhah la 18 bnai da pynmih boon ki hukum yow pynsangeh yei tih mooyong pyrchah ya ka aiñ hapoh ka jylla.
Ya kani ka mukotduma daw chong bichaar biang ha ka 23 tarik uni u bnai.
Discussion about this post