Ka Meghalaya High Court ynne da chong bichaar ko ya ka mukotduma ka Central Bureau of Investigation (CBI) pyrchah ya ka M. Ampareen Lyngdoh deilang kiwi de deiwa em da u Chief Justice, u I.P. Mukerji ha ka chuki.
Kani ka mukotduma toh kawa da emlang hadooh 5 tylli wa kynthuplang ya ka mukotduma u Jeffrey D. Sangma heiwa kiwa da chah pynngat waroh da em ki le ngut kiwa kynthup lang ya ka Ampareen kawa man kam ka Montri sorkar kiwa da chah pynbaad wa emkti wow pynkylla ya ki Marks kiwa yalehke kreh kam ki Assistant Teacher ha ki Lower Primary School ka sorkar Meghalaya ha u snem 2008-09 wei da chimkti yei takit da ka CBI kawa da sahkut kattu da palat 13 snem.
Ka yung bichaar ynne da ong ko wa dang du 20 ngut donhi kiwa man kam kiwa sakhi kiwa da chah kylli takit heiwa waroh da em 162 ngut wei yow leh ya kini waroh daw man ko kawa chimpor wei kawa daw pyndik bha ya kiwa chah pynbaad.
Kamtæ da ong wa hawa jied ya kiwa sakhi toh u leh heitæ i rukom wow man du kiwa tikna donhi kiwa tip yeiwa jia wei wow wanrah ki hakhmat ka yung bichaar.
Da phah leh ya u DSGI wow pyntip cha ka CBI wow pynduna noh ya kiwa sakhi yow lait u kut ini i kaam khlem poi cheiwon cheiwon.
Discussion about this post