• About Us
  • Contact Us
  • Privacy Policy
  • Advertise With Us
  • Terms & Conditions
Tuesday, September 2, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

Phah ka HC ya ka sorkar wow chim rai yei thmu wow wai ya ki Wine Store ha Pommura

Wyrta Staff by Wyrta Staff
September 2, 2025
Reading Time: 4 mins read
A A
0
Share on FacebookShare on Twitter
ADVERTISEMENT

Ka Meghalaya High Court da chong bichaar ko ya ka mukotduma PIL wa yaleh da uwi u bru uwa em khih yong samen (Businessman) uwa chong chnong ka Mawryngkneng, Pdengshnong, East Khasi Hills heiyatoh wa i e NOC yow booh dukan dai kiad (Wine Store).

Neiliang u Advocate Genral ka jylla da ong u wa kani ka mukotduma ym em yahaap ko wa ki yurim wow yaleh da ka PIL tangwa neidaw wa em hi kiwa yatoh wa ki paidbah, kamtæ ka yung bichaar da pdiang ko ka.

Katkam wa mih khubor ha ka 28-07-25, da ong wa ka Dorbar Chnong Pommura da thmu ko wow e NOC yow booh ya 4-5 tylli ki Wine Store hapoh ka chnong hajan ka sarokbah. Tangwa da mih i pyrchah na ka seiñ HNYF wow e NOC.

Neiliang uwa yaleh PIL da ong u wa i e License toh iwa dang sah ha ka Excise Department kawa chong bichaar yeini. Tangwa neiliang u Advocate General ym ye wow pyntikna wa em kam ini i thmu wow booh ya 4-5 tylli ki Wine Store hapoh kani ka chnong.

Ka High Court da pait ko leh ya ar tylli ki hukum ka Supreme Court kiwa da pynmih ha ka 15-12-16 wa ha ka 31-03-17 kiwa yasariem ya kam kani ka PIL.

Related posts

Ym em jia katkam wa pynbaad ka khynnah skur wa chah dung ko da u thyrnia ha ki bru wa wan da ka Scooty

September 2, 2025

Beiñ joor u heh ka seiñ niam Muslim yei leh ka sorkar Assam

September 2, 2025

Neiliang u muktiar uwa yaleh mukotduma da ong u wa lada pait ya kini ki hukum ka Supreme Court, ya kini ki Wine Store ym ye u wai ki neidaw wa jan ki cha ka National Highway tangwa u Advocate General won da ong u wa kini ki ar tylli ki hukum da pynlait ki ya ka Meghalaya wa ka Sikkim deiwa chah wow em ki Wine Store 500 metre i jngai na ki National Highway.

Hajrong ini, ka High Court da ong ko wa ini i kaam da chong i kattu ha ka sorkar Meghalaya wow chim ko yei rai wa lada yoh NOC na ka Dorbar Chnong Pommura, wei ka sorkar hap ko wow phah u bichaar yeini da u sahep sorkar wa ksoh ya ka kyrdan Secretary u wow chim yei rai hapoh 4 tayaaw nadooh ka 30-08-25 wa lada ka Pommura e NOC ko namo ym em wei wow pyntip leh yeini cha uwa yaleh mukotduma.

Kamtæ da pynkut leh ya kani ka PIL.

ShareTweetSendShare
Previous Post

Ym em jia katkam wa pynbaad ka khynnah skur wa chah dung ko da u thyrnia ha ki bru wa wan da ka Scooty

Related Posts

News

Ym em jia katkam wa pynbaad ka khynnah skur wa chah dung ko da u thyrnia ha ki bru wa wan da ka Scooty

September 2, 2025
News

Beiñ joor u heh ka seiñ niam Muslim yei leh ka sorkar Assam

September 2, 2025
News

Pyn nei pyrtuid wa mih hawa leh Gpay da tip kiwon ki dukan wa leh Benami

September 2, 2025
News

U su ka sorkar neibynta i lai puræ ki 165 ngut ha ka B.Sc Hospitality & Hotel Administration ha IHM, Shillong

September 2, 2025

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar