Phah ka High Court da u bru yong ka yow lai pait yei rukom chna sarok wa ktah ya ka wah Myntdu

Ka mukotduma PIL wa da chimkhia da ka High Court ka Meghalaya wow yaleh pyrchah ya ka sorkar jylla hadien wa da yoh ko yaka ujor hajrong i chah ktah ka wah Myntdu dei chna ya u sarok Jowai Bypass uwa na Khliehtyrchi chadooh Treiongriang, da chong bichaar biang ka ynnin.

Neiliang ka sorkar da phah ko ya ka bui (Report) kammon da leh yow lait nei chah ktah ka wah Myntdu heiwa da pynyoo lang wa ki dur yow pynsakhiat yeini yow lait u chah ktah chooh chooh ka wah.

Neiliang ka High Court da thung ko ya u P. Yobin, Adv kam u Amicus Curiae yow yarap ya ka yung bichaar heiyatoh wa kani ka mukotduma wei da phah ya oo leh wow lai hiar u cha kini ki thaw wa chna ya uni u sarok deiwa yah lang wa ki tre thaw, tre lyngkha kiwa da chah ktah.

Da phah leh wow emlang wa ki sahep ka PWD (Roads) kamjooh ki bor District wei wow pyndep yeini waroh hapoh ka 18 tarik u Naichiphaw wow wan.