Ka mukotduma wa yatoh wa i tih mooyong pyrchah ya ka aiñ ha Meghalaya wa da yaleh da ka Meghalaya High Court hi, da chong bichaar biang ya ka ynne ka sngi heiwa da yoh leh ya ka Third Interim Report wa da e da u Justice Katakey kawa da e ha ka 9 tarik uni u bnai wei da ong wa iwa da tyrwa hapoh kani daw ye u phah wow pynkrehkaam ki.
Ka yung bichaar da ong ko da toh wow leh yeiwa emkaam yow dai smat ya u mooyong wa da dep tih neibhah da em i pynbaad na kiwa boon ki liang wa dang pteiñ u tih mooyong pyrchah ya ka aiñ hapoh ka jylla wei ya u mooyong wa dang dep tih da kam toh uwa da rim.
Kamtæ da phah ya u Justice Katakey wow khana hadooh katwon em u mooyong wa dang sah u wym pu em dai wei ka sorkar jylla toh u e ko ya waroh i yarap yow ye u pyntikna sa katwon em u mooyong yow ye u yoh yukheiñ deiwa tikna.
Ka yung bichaar da ong ko wa ini daw pyntikna wa u mooyong wa dang dep tih ym ye u khleh lang oo wa uwa da dep tih.
Da phah leh wow su ya u Justice Katakey sa T. 1.5 lak wei ya kani ka mukotduma daw chong bichaar biang ha ka 25 tarik uni u bnai.
