Ynne ka sngi ka yung kasari, Meghalaya High Court da chong bichaar ko ya ka mukotduma wa ujor da u muktiar na East Jaiñtia Hills, u Kynjaimon Amse kawa man ka mukotduma wow phah chna ya u sarok ha ki chnong khappood ka Ri waka Bangladesh ya kawa da ujor ha u snem 2018.
Ynne ka sngi da pynsñiaw leh ha ka kasari yeiwa oor ka yingkieñ ha Shymplong ha ka 17 tarik uni u bnai hadien u slap wa joor uwa da neh da boon sngi.
Kani ka yingkieñ jngai ko kamwa 10 Km na Sonapur wei kawa pynyabi ya ki chnong kam ka Huroi, Hingaria, Lejri, borsara, Shymplong waka Lahalein.
Ka kasari ynne da hukum ko ya ka sorkar wow chna noh ya kani ka yingkieñ chipor da ka yingkieñ naar namo ka Bailey Bridge yow pynsuk ya katni wei wow chna pura won da ka yingkieñ khyndawbilat kawa skem wa pura.
