Phah ka High Court ya ka sorkar wow lai kem ya ki Plastic wa stang

Ka mukotduma PIL wa da yaleh ha ka Meghalaya High Court heiyatoh wa i pynemkaam ya ki Plastic, da chong bichaar biang ka ynnin da u Justice I.P. Mukerji, Chief Justice wa u Justice W. Diengdoh, Judge heiwa da booddien ya ka hukum wa da phah wow khang syndon yei pynemkaam Plastic hapoh ka jylla heiwa da chem wa hadooh wa em da kiwi ki jait wa mih ha i thaw ki Plastic, da emkaam ya ka sorkar wow booh ko ki kyndon hawa pynemkaam ya ki Plastic.

Neiliang ka sorkar da pyntip ko wa da sdang ko wow kem ya ki Plastic wa kiwi de ki mar hadien wa da pynmih ya ka hukum le bnai nachwa heiwa neiliang ka yung bichaar da ong ko wow e por chooh ya ka sorkar wow pynkrehkaam ko ya ka hukum.

Ka yung bichaar da ong ko leh wa neidaw wa chimpor bha ya ki Plastic wow pyut ki, da ktah bha ko ya ki um ki wah wei da kset leh ki dooid wei da man ki leh kam ki jhep manda noh ki hadien wa pynemkaam wot hadien wa da pynmih ka sorkar ya ka hukum wow khang noh yei pynemkaam ya ki Plastic wa rben hapoh 120 micron.

Kamtæ da phah ya ka sorkar wow phah khang syndon yei pynmih, u pynemkaam wei wow dai ya ki Plastic wa rben hapoh 120 micron (kiwa stang) wei kamjooh wow kem ki nadooh kiwa pynmih, kiwa pynlai yaaw ki kamjooh kiwa pynemkaam ki.

Related posts

Takit ki pulit yeiwa poor ha Social Media ya u khynroo ha Shillong uwa da slaitbor ya boon ngut ki kynthai | Ym bien ka kynthai u booh FIR

July 7, 2026

Khlem yoh u hiar madan tangwa chah kit ha ka Stretcher uwa yalehke ka England

July 6, 2026

Da phah leh wow leh yeiwa emkaam yow pyntikna wa i jhep Plastic da ye wow pynlang ki heipor i por wa da booh.