Ka Punjab & Haryana High Court da ong ko wa ki kot dawai wa i rukom sumaar toh i hok yong i chait i khiah iwa da kular hapoh ka hok wow im (Right To Life) ka Article 21 ka riti synchaar ka ri India.
Ha ka hukum wa da pynmih da u Justice Jasgurpreet Singh Puri da phah ya waroh ki Doctor ka Punjab, Haryana wa Chandigarh wow thoh ya ki pyrtuid dawai da ki dak heh kat hadooh wympu dep Type da ka Computer.
Ka Court da ban joor ko wa ka Right to Life and Personal Liberty kular ko leh ya ki bru wow tip ya i pyrtuid ki dawai wei kammon jait i rukom sumaar deiwa thoh ya ki da ki dak wa che.
Heiyatoh wa ki dak thoh ha ki kot dawai, ka Court da kyntu ko ya ka National Medical Commission (NMC) wow phah thoh da ki dak wa ye u puræ ha waroh ki thaw sumaar wa ki thaw puræ ka ri.
Kani ka hukum da mih ko na ka mukotduma hawa bichaar ya ka Jamin (Bail Plea), kawa yatoh wa ki kaam leh thok, i chna thok ya ki kot ki sla wa i slaitbor heiwa uwa chah pynbaad da kular u wow e kreh sorkar ya kawi ka kynthai lada su poisa ko heiwa da chna thok u ya ki kot ki sla wa leh Interview wei da chim kabu u ka leh. Da jia ha kani ka mukotduma wa da pynpoi ya ka Medico-Legal Report wa e jubab da ka sokrar kawa thoh dei dak wym ye u puræ iyi iyi leh iwa da pynchrai ya ka yung bichaar heiwa da ong ko wa ymtoh i sien nyngkong wa wanrah ya ka Report da ki dak ka wym ye tang u puræ, kamtæ da ong wa kammon ha kani ka juk Computer dang thoh ki Doctor ka sorkar dei kti i wym em wa ye u puræ lait noh du ki kattu katni ki Chemist.
Ka yung bichaar da ong ko wa ki bru em ki i hok wow tip ya i pyrtuid ki dawai wa da thoh.
Hadien kani ka hukum, ka sorkar Punjab, Haryana wa ka Union Territory Chandigarh da phah ki ya ki Doctor wow thoh ya i pyrtuid ki dawai da ki dak heh deiwa booh por leh ar snem wow pynkrehkaam ya ki Computerised Prescription næ deiwa Type.
Discussion about this post