Ka Meghalaya High Court ynnin da chong bichaar ko ya kawi ka mukotduma PIL heiyatoh wa i khynnia ki luti syngkieñ wei wow pynkrehkaam ya ki kyndon ka aiñ Motor Vehicle Act yow pynchitom ya kiwa pynthut yei lai bait ki kari.
Neiliang ka yung bichaar da ong ko wa da yoo wa manda em i chna yung næ kiwon kiwon ki jait chna hajan ki luti lai kjat, ki sarok hadooh ki sarokbah, wa yei tiar nadooh u moo, u chyiap, ki nar rot da noh ki pynharood sarok wei da em leh kiwa kreh pyn ha sarok hi.
Ini da ktah bha ko yei lai i wan ki kari wei da booh ko hei maa ya ki paidbah wa lai wa wan kamjooh da pynthut yei lai i wan ki kari.
Heiyatoh won wa ki karkhana chna kari kiwa da em harood ki sarok (State Roads wa National Highways) heiwa ki kari wa sih wa wan phah chna da pynchna ki pyn harood sarok, ka yung bichaar da ong ko wa ki bor pulit wa pynlai kari toh u lait pait ki yow khang yeini yow hok ki kari u lai deiwa khlem pynthut khamtam ha ki thaw wa lai smat ki kari ha ki National Highway.
Sa iwi iwa da sñiawkhia ka High Court toh i pynyieñ kari miet ki tre kari ki wym em thaw booh kari deiwa ieh miet ya ka kari ki cha sarok iwa da wanrah yei khynnia kari wei da pynthut leh yei lai ki Ambulance kamjooh ki kari lai tympleh diñ.
Kamtæ ka High Court da e por ko yaka sorkar wow jubab yeini chwa u kut uni u bnai.
Discussion about this post