Ka Telangana High Court ynnin da hukum ko ya ka sorkar wow phah ya kiwa sikai wow baam ja lang chirup wa ki khynnah ha ki skur sorkar deiwa ong wa ini daw pyntikna i wa i ja wa da e man i iwa miat wei wow pyntikna wa da pynkrehkaam bha ya ka Mid Day Meal Scheme.
Ka miej bichaar u Chief Justice Aparesh Kumar Singh wa u Justice GM Mohiuddin da pynmih ki ya kani ka hukum hajrong ka PIL wa ujor u Keethineedi Akhil Sri Guru Teja.
Ka PIL toh yow dawa pynkrehkaam katkam ki kyndon ka National Commission for Protection of Child Rights (2018) wa yatoh wa em ki thawsum wow em kawi neibynta ki 10 ngut, kawi ka paikhana neibynta ki 10 ngut wa ki Warden uwi neibynta ki 50 ngut.
U Muktiar uwa yaleh PIL da yasaaid u wa hanla em chwa ki hukum wa da pynmih tangwa em bait i sih hei pynkhreh baam ha ki skur kamjooh ki Hostel. Chooh chooh da ong u wa emkaam bha u sylli ya ki thaw chet wa ki thaw booh baam man-ka-sngi da ki Principal næ Warden wei wow chondur ya ki kam ka sabut.
Neiliang won u Additional Advocate General, u Md Imran Khan uwa mihkhmat ya ka sorkar da ong u wa ya ym em ki khynnah wa yap nei sih i baam (Food Poisoning) wei kitu ki kiwa kjut da kit ya ki wut-wut cha thaw sumaar. Da ong u leh wa kiwa kreh wa kheiñstiñ da pynchitom ya ki wei da em ki sahep sorkar wa sylli ya ka Mid-Day Meal Scheme.
U Chief Justice da ong u wa lada baam kiwa sikai chirup wa ki khynnah ym mih kam itæ wow chitom ki khynnah.
Neiliang uwa yaleh PIL da ong u leh wa da em chisien wa yoh kjut 111 ngut ki khynnah skur hadien wa baam yei baam wa da sih ha kawi ka skur heiwa neiliang u muktiar ka sorkar da pyntip u wa da beh kreh ya uwa chet yeini i baam.
Discussion about this post