Ka Meghalaya High Court hawa chong bichaar heiyatoh wa i thaw wa tip kam i Maxwelton Estate wa em ha Rilbong, Shillong heiwa ka seiñ KSU da kam ko wa kini kiwa chong wa sah ha ini i thaw toh pyrchah yaka aiñ wei ka seiñ kam i dak pyrchah da chna ko da i yung tin ha ini i thaw.
Neiliang kiwa yaleh mukotduma da ong ki wa da im ki dei tieñ wei da chah maham ki leh.
Ka High Court da ong ko wa ini wa dep da pynmih hukum ko wym toh u jia iyi iyi ha ini i thaw katwa dang chong bichaar ya ini i kaam.
Neiliang ka muktiar ka sorkar da paan por ko wow e yei jubab deiwa ong leh wa u DC ka East Khasi Hills leh da toh u embynta u ha kani ka mukotduma.
Ka yung bichaar da phah ko yaka sorkar wow khana ko wa yeini i thaw kamwa man kattæ kiyi ki tre ki lada toh em i ha kti ka sorkar næ ha i kti yong ki bru samen.
Da phah leh ya ki bor sorkar wow pyntikna ki wym toh wow em iyi iyi i jia wym poi pyrkhat ha ini i thaw.
Discussion about this post