Ka sorkar India da phah ko ya waroh ki nong India wa em hapoh ka ri Ukraine wa kynthup lang ya kiwa lai puræ wow liwan ki chipor napoh Ukraine. Ha kani ka kyrwoh wa da pynmih lyngba ka Indian Embassy wa em ha Ukraine da ong wa neidaw wa da nang joor i kynaad ha khappood ka ri Russia waka Ukraine da sneiñ ya waroh ki wym emkaam wow neh hapoh kani ka ri wow thoohlaad ki wow liwan noh,
Da ong wa ye ki wow liwan da kiwon kiwon ki lieñsuiñ kamai wei ka ri daw pynbiang lieñsuiñ ko lada emkaam.
Da phah ya kitu kiwa lai puræ wow yachem lane kynjoh ktien wa ki Student Contractor yow tip kiwon ki lieñsuiñ kiwa ye ki wow chim wei wow bood yeiwa pyntip ka Embassy lyngba ka Wesbsite, ka Facebook wa Twitter.
Ini toh i sien wa ar wa da pynmih ka Indian Embassy ya kam ini i sneiñ neibynta ki nong India neidaw wa i chah hiar thma ka Ukraine ha ka Russia ye i wow jia hadien i yaklam ym ye i wow wanrah ya i yasuk heiwa ka Russia leh ym bien ko wow kynran dien ya ki chipai yong ka.
Ka Air India da pyntip ko wa da pynkreh ko le tylli ki lieñsuiñ ha ka 22, 24 wa 26 tarik uni u bnai yow lai thooh ya ki nong India na Ukraine.
