Ka mukotduma PIL wa da yaleh da ka Synjuk ki Waheh Chnong Jowai ha ka Meghalaya High Court da chong bichaar biang ka ynnin ka sngi heiwa ka Jowai Municipal Board (JMB) da pyntip ko wa da dep ko wow booh sngi le sien chi tayaw wow lai kit jhep ha chnong Jowai wa kynthup ya ki jhep wa pyut wa ki jhep wym pyut.
Tangwa neiliang ka synjuk da ong ko wym em bood ki yeini heiwa da wan kit jhep du kattu katni sien donhi chi bnai heithaw kamwa da pynbait ka Municipal Board.
Ka yung bichaar da ong ko wa ka JMB kamjooh ka sorkar jylla ym em chikhia ki yeini i chem chitom kiwa chong chnong ka Jowai wei lada kam ka Municipal wa da pynbait ko ya ki sngi wow kit jhep, yeini toh u wanrah hapoh ka yung bichaar lyngba ka Affidavit hapoh chi tayaw.
Ha kani ka Affidavit toh u khana che kiwon ki dong wa kamjooh ki truck wa da booh wow lai kit jhep kamjooh i Number kini ki truck kamjooh ki dong wow lai kit jhep ki.
Chooh chooh da phah leh wow pynbiang wa ka Map yong ka chnong Jowai wa pynyoo yei rukom kit jhep wei ka Municipal toh leh u khana ko kammon lai noh jhep ki katni kat wym pu em dep chna ya ka Compost Plant.
Ya kani ka mukotduma daw chong bichaar biang ha ka 27 tarik uni u bnai.
Puræ leh: Pynbna ka JMB ya ki sngi wan kit jhep ha chnong Jowai
