Ka Meghalaya High Court ynne ka sngi da chong bichaar ko yaka mukotduma Public Interest Litigation (PIL) wa da wan yaleh da u Phidingstar Khongsit uwa na ka Seng Khasi Raid Kongthong ha u snem 2019 heiyatoh wym yoh thaw thangbru ki bru ka Seng Khasi/Niam Tynrai/Niamtre wa em ha waroh kawi ka jylla Meghalaya.
Haka hukum wa da pynmih da ka yung bichaar da ong wa katkam ka mukotduma da kyrpaad yaka sorkar wow pynbiang ko ya i thaw wa emkaam, kamtæ da phah yaka Community & Rural Development wa mihkhmat da u Commissioner & Secretary ka sorkar Meghalaya wow khut yalang ki haka 26 tarik uni u bnai ya kiwa yaleh mukotduma wa kiwi ki seiñ niam ki niam tynre yow ap u sñiaw ya iwa chem chitom kiwa yaleh mukotduma kamjooh leh kiwi.
Da phah leh wow pyndep ya ini waroh hapoh 8 tayaw wei ym toh wow palat 10 tayaw nadooh wa pynmih ya kani ka hukum.
Kamtæ ya kani ka PIL da kheiñ toh kawa da pyndep.
