Ka Ministry of External Affairs ka India ynne hawa pyntip cha ki laad pathai khubor yeiwa jia ynnin i miet ka 8 tarik hadooh wa kylla tarik, da ong wa ka Pakistan da pynemkaam ko yei suiñbneiñ (Air Space) ka India ha tymbood u pood neiliang sepsngi dei thmu wow sait ya ki thaw ki chipai wa em hapoh India.
Ka Pakistan da siat ko leh da ki kuli wa heh ha tymbood u Line of Control wei da phah leh ya ki 300-400 tylli ki Drone na chiliang pood nadooh na Leh chaddooh cha Sir Creek ha ki 36 tylli ki thaw tangwa neiliang ka India da ye ko wow siat ya kiwa boon.
Da suba wa i phah ya kini ki Drone toh yow pait hadooh katwon krehkaam ka Air Defence System wei yow tip leh heiwon em ki. Wei hawa pait bniah ya kini ki Drone da suba toh ki ASISGUARD Songar Drone ka ri Turkey.
Hadien won da wan ka UAV ka Pakistan kawa da thmu wow siat ya ka Bathinda Military Station wa em ha Punjab tangwa chwa wow ye ko u leh iyi iyi da ye wow siat ka.
Yow jubab yeini wa leh ka Pakistan, da phah da ki Drone cha ki soo tylli ki thaw wa leh ya ki Air Defence ka Pakistan heiwa uwi na kini ki Drone da yoh u wow siat tympra ya kawi ka Air Defence Radar.
Ka Pakistan da siat ko leh ya kiwa boon ki thaw u Line of Control deiwa pynkaam da ki tup wa heh kam ha Tangdhar, Uri, Poonch, Mendhar, Rajouri, Akhnoor wa ha Udhampur kiwa em ha Jammu & Kashmir heiwa da em ki chipai ka India kiwa da mynsoo wei da chah ktah leh kiwa boon ki thaw.
Da pyntip leh wa ka Pakistan da pynyoo ko yei wym em ko yei kitkhlieh khlem da khang ya ka suiñbneiñ ko heipor wa phah ko ya ki Drone wei hawa siat ko ya ki Missile ha ka 7 tarik uni u bnai iwa mut da pynemkaam ki ya ki lieñsuiñ wa kit ya ki bru paidbah wow yada wot hawa tip che ki wa ka India daw jubab smat ko manda leh ki yeini. Wei ini man ko iwa maa ya ki lieñsuiñ wa wan na kiwi ki ri.
Ka India da ong ko wa ka da khang ko ya ka suiñbneiñ hawa jia ini wei ym em leh kiwon kiwon ki lieñsuiñ wa hær katwa ka Pakistan won ym em leh ko yeini.
Discussion about this post