Phah ka Pollution Board wow sangeh noh i chna ya ka OM OM Coke

Ki dkhot ka Dorbar Chnong Wapungskur ynne da lai yachem ki ya u Member Secretary ka Meghalaya State Pollution Control Board ha Shillong yow pynyoo ya oo ya ka chithi wa da e da u Dolloi ka Elaka Jowai kamjooh da u waheh chnong ka Mookhep wa da pyndam noh ya ka NOC wa da e cha ka OM OM Coke wow chna ya ka ha i thaw wa tip kam i Thlukuru.

U waheh chnong ka Mookhep da thoh chithi u cha u Dolloi ka Elaka Jowai 04-04-25 wow kyrpaad ya oo wow pyndam noh u ya ka NOC wa da e neibynta kani ka karkhana neidaw wa joor pyrchah ki paidbah, wei oo won wow ya pynbait wa kawa paan NOC, katæ ka Jel Chyrmang.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

ADVERTISEMENT

Ka chithi wa da pynmih u Dolloi toh kawa em tarik da ka 10-04-25 kawa da thoh cha ka Jel Chyrmang wa da pyndam noh ya ka NOC yow booh ya ka karkhana Coke.

Neiliang u Member Secretary ka MSPCB leh da pyntip u wa oo leh da thoh u cha ka OM OM Coke ynne lyngba ka Jel Chyrmang wa neidaw wa da pyndam noh ya ka NOC da u Dolloi ka Elaka Jowai kamjooh u waheh chnong ka Mookhep, kamtæ da hap wow sangeh noh yei chna ya kani ka karkhana.