Jowai: I kaam thung kreh ya kiwa sikai kawa boon da khut ya ka kam thung kreh biah sia lieh da pynman ko ya ka Supreme Court wow pynmih ya ka hukum wow riñ Video yei rukom pyllai ya ka kaam wow jied ya kiwa yoh kreh kiwa pynman da ka ki Public Service Commissiona kam ka MPSC kamjooh ya ka DSC.
Hawa pynwai ya ka chong bichaar ya ka mukotduma chaphang i kyrpaad ka sorkar jylla wa rim yong ka Congress wow pyndam ya ka hukum wa pynmih ka High Court ka jylla, ka Supreme Court da ong ko wa da chem ko boon i wym biang hei rukom jied ya kiwa yoh kreh Assistant Teacher ha ki Lower Primary School yong ka sorkar.
Da ong ko leh wa da em kam kani ka mukotduma ha ka jylla Karnataka wei ka yung bichaar sniaw ko wa emkaam wow riñ Video katwa ye yei rukom jied ya kiwa yoh kaam deiwa booh da ki CCTV Camera wei ya ka Video wow chong pait da ka committee wow em le ngut ki dkhot kiwa daw e ya ka report yong ki kawa u booh ha ki Website ki bor sorkar wa pait ya kani ka kaam.
Discussion about this post