Ka sorkar pyrdi da phah ko ya ki jylla ka ri wow pynduna da 10% i pynemkaam phniang hawa chej yei ja skur hapoh ka PM-POSHAN Scheme yow man ki khynnah kiwa chait wa khiah wei kamjooh yow lait ki u sngaid.
Yeini da pyntip da u Sanjay Kumar, Secretary ka Department of School Education and Literacy (DoSEL) ka Ministry of Education deiwa ong wa ki jylla hap ki wow lai pynsñiawthooh cha kiwa pynlai skur yei emkaam wow pynduna yei pynemkaam phniang.
Ini da wan ko hadien wa u Prime Minister, u Narendra Modi da klam u chaphang i sdang u em ki khynnah wa sngaid katni hawa klam u ha ka Mann Ki Baat ha ka 23 tarik u bnai wa dep deiwa kyntu leh ya ki khynnah wow kjap yei baam ki 32 sien chwa u ngooid, i emkaam u baam ki soh wa mih katkam ka samoi wei wow dam u baam ki jait baam wym pynmyntoi namo ki Junk Food.
U Modi da e buit u wow pynduna da 10% i phniang yow lait ki khynnah u sngaid.
Ka PM POSHAN toh kawa jooh tip kam ka Mid-Day Meal Scheme kawa man ka Scheme ka sorkar pyrdi heiwa ka sorkar pyrdi da yarap poisa ko da 60:40.
Discussion about this post