U Montri Rangbah ka jylla, u Conrad Sangma ynne da khut yalang u ya ki heh District ka jylla nadooh ki DC, ki SP, ki Montri sorkar wa kiwi ki heh sorkar kam u Chief Secretary, ka IGP wa kiwi de yow yaklam yeiwa jia ha Assam kattæ heiwa da pynjoor yei kynreh (Eviction Drive) ya kiwa chong chnong wa kiwa chna ya ki yung ki sem pyrchah ya ka aiñ.
U Conrad da pyntip u wa da phah ya ki DC wow ya krehlang ki wa ki BDO, ki thanat waphær waphær deilang ki NGO kamjooh ki waheh chnong yow pyntikna wym em kiwa wan psiah na Assam cha Meghalaya neidaw ini i chah khyndang kini ki bru ha Assam.
Da ong u leh wa ki District wa em ha khappood wa ka Assam kamjooh kiwa yajan wa kitu ki thaw wa em ini wa jia hap wow chimkhia bha ki yeini.
Ha kani ka yalang da pyntip wa hadooh kattæ ym pu em iwon iwon i jia wei u ya krehlang yow pyntip wut-wut laad em kiwa yut chnong kiwa psiah chapoh Meghalaya deiwa yut na Assam.
Discussion about this post