Jowai: Ka sorkar pyrdi deiwa sñiaw ko wa ka Doordarshan yarap ko wow e yutip cha ki paidbah chaphang kiwa boon ki krehkaam ka sorkar nadooh ki Scheme wa ki Policy kiwa yarap ya ki paidbah yow pynku ya i rukom im yong ki, i wanrah ya i yatylli hapoh ka ri kamjooh wow pynyaar yei pyrkhat pyrdaiñ, da dep phah ko ya warok ki Cable TV Network wow pynyoo ki ya waroh ki DD Channel. Tangwa da chem wa ym em bood ya ini da kiwa boon ki Cable Operator, iwa tynkheiñ ya ki kyndon aiñ wa em katni.
Kamtæ da phah ya ki Cable Operator kiwa da rim kamjooh kiwa dang yaleh thymme wow e ki da ka Affidavit wa ki pynyoo ki ya waroh ki 24 tylli ki DD Channel, ym du ya ka Lok Sabha wa Rajya Sabha TV Channels ha ki TV Network yong ki. Ya kani ka Affidavit toh u e hapoh chi bnai.
Ya i rukom man (Format) ka Affidavit ye u yoh na www.mib.gov.in, www.digitalindiamib.com wei ya kiwi ki yutip wa bniah ye u yoh na www.broadcastseva.gov.in.
Discussion about this post