U symbood montri rangbah ka jylla u Prestone Tynsong da pyntip u wa ynne ka sngi, ka sorkar da chong pyrkhat ko wa kammon wow wai biang yaki Hotel, Restaurant, Homestay, Tourist Spot deiwa phah yaki DC wow yaklam wei u ap u sñiaw yeiwa ong kiwa chong chnong wei du hadien wa yoh yaka bui (Report) daw chim yaka rai wa kammon u leh.
Da ong u leh wa yooluti waki DC deilang waki chnat sorkar kiwa toh u pait ya ini i kaam daw ye ki wow phah smat yaka Report ha kini ki kajiak sngi wei ka sorkar leh yow ye ko u chim ya i rai.
Hawa kylli wa kiyi wow wan hawa dang khang wow lai na kawi ka jylla cha kawi, u Prestone da ong u wa kiwa uiñke suwari kiwa pyrkhat toh du ya kiwa chong wa sah hapoh ka jylla ym toh ya kiwa na baar ka jylla wa dang khang hi yaki wow wan ki chapoh ka jylla.
